Zlatan Ibrahimovic mund të nënshkruajë kontratën e re me Milanin. Sipas raportimeve nga shumë media në Itali, Mino Raiola pritet të takohet gjatë ditës me drejtuesit e klubit për të finalizuar marrëveshjen. “Bomberi” suedez është pajtuar të qëndrojë edhe për një sezon me kushte të njëjta. Ai do të vazhdojë të marrë 7 milionë euro në sezon.
Ish-sulmuesi i Manchester United dhe PSG u rikthye në Milan gjatë merkatos së janarit të vitit 2020 nga LA Galaxy.
Ai ka shënuar 17 gola në 25 paraqitje në të gjitha garat këtë sezon.
