Kryeministri Edi Rama gjatë një takimi elektoral me simpatizantë të Partisë Socialiste në Peshkopi, sulmoi programin e Partisë Demokratike.
Rama e quajti ofertën zgjedhore të opozitës për betejën e 25 Prillit si të parealizueshme, pasi sipas tij kush thotë më jep një të të jap dy, në fund të jep ‘Noc Rrokun’.
“Nuk ka asnjë mrekulli që të ngjit drejt majës përveç bindjes dhe guximit. Për të shkuar drejt majtës duhet të mos ndalosh, duhet karakter. Ne kemi bërë shumë rrugë deri këtu.
Kur ne arritëm t’ia dalim edhe kundër tërmetit edhe kundër pandemisë. Kur ne arritëm t’ia dalim kur në mes të Evropës na lanë pa vaksina dhe sot jemi në majat e vaksinimit masiv të popullsisë, ne padyshim do ja dalim ta bëjmë Shqipërinë të ardhmen tonë.
“Më jep një të të jap dy”, kush jua u thotë këtë nuk ka asnjë shans t’ju japë gjë tjetër përveç ‘Noc Rrokut’. Unë besoj se Shqipëria e vitit 2030 s’ka asnjë arsye të mos jetë kampione Ballkanit, në agroturizëm, në turizëm dhe në inovacionin dixhital”, tha Rama.
Kryeministri sulmoi Lulzim Bashën, për premtimin që do të hapë një universitet në Dibër. Rama deklaroi se ai nuk premton hapje Universiteti në Dibër, por ai do t’i japi mundësi të gjithë të rinjve nga Dibra që të shkojnë më lehtë për studime në Tiranë përmes rrugës së re të Arbrit.
“Dëgjova që Luli kishte thënë që do hapim Universitetin e Peshkopisë, në Lulëz, në Burrel, kudo ku shkel Luli. Jo ne nuk do hapim Universitet në Dibër, por do i mundësojmë të shkojnë në Tiranë dhe programet, diplomat e universiteteve të huaja të jenë dhe në Universitetet tona.
Mos t’i çojnë jashtë shtetit, por t’i çojnë në Universitetet tona. Universiteti në Peshkopi. E hap Luli dhe keni dekan Xhelal Mziun.
Do hapim porta të reja për Shqipërinë nga qielli dhe nga deti. Do ndërtojmë katër aeroporte. Atë të Tiranës do ta investojmë për të zgjeruar pistën. Unë e kam thënë që Air Albania do të udhëtojë për tej oqeanit. Është një nga ta punë që na ka penguar pandemia,” deklaroi Rama.
