Prokuroria e Posaçme (SPAK) i është drejtuar me rekurs Gjykatës së Lartë, pas ndryshimit të masës së sigurisë për shefin e Kardiologjisë Edvin Prifti.
Ishte Apeli i GJKKO-së që vendosi lirimin nga qelitë e paraburgimit të kardiokirurgut Edvin Prifti. Mjeku i QSUT ishte lënë në burg prej gati tre javësh pas arrestimit, pas dyshimeve për “korrupsion” dhe “pastrim parash”.
Ai u prangos për llogari të njëjtit hetim që çoi në burg edhe gjyqtaren e Krujës, Enkeleida Hoxha, avokatin Aldo Tabaku, kryesekretaren e Gjykatës së Krujës, Manuela Mallkuçi dhe shtatë persona të tjerë.
Prifti akuzohet se merrte para për pacientet që operonte në Qendrën Spitalore Universitare “Nënë Tereza”. Nga kontrolli i policisë në banesë, atij iu gjetën 250 mijë Euro dhe 16 milionë Lekë.
