Kryetari i Partisë Demokratike, Lulzim Basha, ka vijuar takimet elektorale në kuadrin e zgjedhjeve parlamentare të 25 prillit, në njësinë nr 8 në Tiranë.
Gjatë takimeve me qytetarët, Basha është shprehur se ndryshimi po vjen dhe se askush nuk mund të vjedhë të ardhmen. Kreu demokrat ka kërkuar nga qytetarët që të marrin pjesë masivisht në votime dhe të votojnë Partinë Demokratike dhe koalicionin e drejtuar prej saj PD-AN.
Mes takimeve, ishte edhe ai me një qytetar i cili i ka pohuar Bashës se për 14 vjet ka votuar PS, por është zhgënjyer. Kreu demokrat i ka uruar mirëseardhjen në atë që e quan bashkimi i madh i shqiptarëve.
Bisedat
Qytetari: Urime për fushatën!
Lulzim Basha: Faleminderit shumë!
Qytetari: Ju mbështesim dhe shpresojmë të ndryshojnë gjërat.
Lulzim Basha: Ju falënderoj shumë për mbështetjen! Të jeni të sigurt që nuk do ta shpërdorojmë besimin dhe mbështetjen tuaj. Bashkë për ndryshim! Numrin 9 në 25!
Qytetari: Kemi ardhur nga krahu tjetër. Jemi ardhje e fuqishme se jemi gjithë këta njerëz. Na ka zhgënjyer, na ka shkatërruar, na ka lënë nëpër shtëpia. Dil nga shtëpia thotë se do bëjë kulla.
Lulzim Basha: Jeni të mirë se ardhur. Jemi në këtë betejë për të gjithë popullin, për të djathtë dhe të majtë. Do e mundim të keqen.
Qytetari: Suksese të ectë mbarë!
Lulzim Basha: Faleminderit!
Qytetari: 14 vjet ja kam dhënë votën, është koha për t’i dhënë drejtim për të shkuar vota ku e ka vendin.
Lulzim Basha: Është koha për ndryshim. Të falënderoj nga zemra! Nuk do të zhgënjejmë as ty, as një socialistë të ndershëm që votojnë për Shqipërinë.
Qytetari 2: E paçi faqen e bardhë!
Lulzim Basha: Në fund fare besnikërinë e kemi ndaj Shqipërisë.
