Lëvizja Vetëvendosje me Qendër në Shqipëri i ka bërë thirrje policisë për lirimin e menjëhershëm të 33 personave të shoqëruar sot pas protestës në Thirrë të Mirditës, ndërsa thekson se të arrestuarve ju ëhstë bërë presion për të pranuar akuza të pavërteta.
Arbër Zaimi shkruan në Facebook, se gjatë protestës së sotme ëhstë goditur nga policia edhe kandidati i VV, Iljaz Shehu. Ndërsa shton se të arrestuarve nuk u lejohet takimi me avokatit.
Postimi i Zaimit:
33 qytetare te zones dhe aktiviste jane ndaluar nga policia pas protestes ne fshatin Thirre u eshte bere presion te nenshkruajne deklarata ku pranojne akuza te paverteta. Nuk i kane nenshkruar. Nuk jane lejuar te takojne avokate. Gjithashtu vajzave aktiviste të ndaluara u është bërë presion për të nënshkruar deklarata të gatshme, pa praninë e avokatit. Nje efektiv ka goditur me heret me berryl ne fytyre kandidatin Iliaz Shehu. Avokatet-aktiviste te Levizjes jane atje.
Tre aktiviste prej tyre, policia po i arreston. Me akuza te rreme. As ata nuk po i lene te takohen me avokatet. Kemi dyshime qe policia po ushtron presion psikologjik e fizik ndaj tyre per te pranuar akuza te paverteta. Ky eshte presion politik i drejtuar kunder LVV dhe kandidateve te pavarur qe ne i mbeshtesim.
Dy janë arsyet pse policia po mban në Lezhë e Rrëshen së paku 19 protestues, banorë të fshatrave Thirrë e Sang, dhe aktivistë të Lëvizjes që kanë shkuar në ndihmë të tyre.
E para – ajo që është bërë e zakonshme nën thundrën e Ramës, shtypja e dhunshme e çdo proteste e trembja me polici e çdo qytetari që ka arsye për të protestuar.
E dyta – sulmi politik ndaj Lëvizjes VETËVENDOSJE! e cila trimëron komunitetet dhe nxit organizimin e tyre përballë pushtetit. Ndalimi i aktivistëve të LVV tregon se pushteti nuk dëshiron “shqetësime” të tilla. Por ne nuk ekzistojmë për të kënaqur pushtetin.
