Gjatë ceremonisë së sotme në varrezat e dëshmorëve, ishin pjesëmarrës ashtu si cdo vit edhe komunistët dhe nostalgjikët e sistemit të diktaturës.
Mirëpo ata nuk u lejuan të kryejnë homazhe në Varrezat e Dëshmorëve bashkë me autoritetet më të larta të vendit.
Fillimisht simbolet e Partisë Komuniste, të Luftës Antifashiste Nacional Çlirimtare dhe portreti i Enver Hoxhës u ekspozuan jashtë rrethimit të Varrezave të Dëshmorëve.
Kryetari i kësaj partie, Qemal Cicollari, tha se partitë politike deformojnë historinë duke mohuar veprat e Enver Hoxhës dhe veprimtarinë e tij në LANÇ në në vitin 1944.
