Trajneri i Vllaznisë, Thomas Brdariç, u shpreh i kënaqur, për mënyrën se si luajti skuadra e tij, në barazimin pa gola ndaj Laçit në transfertë. Në prononcimin pas ndeshjes për “Gol pas Goli”, tekniku deklaroi:
NDESHJA- Si fillim dua të komplimentoj lojtarët, në mbrojtje kemi luajtur shumë mirë. Jemi munduar të luajmë me kundërsulm. E kishim menduar në këtë mënyrë variantin taktik. Jam i lumtur për këtë zgjedhje. Shpërdoruam në sulm, dhe na duhet të punojmë shumë, për sa i përket fazës ofensive.
SULMUESI SISE– Jam i kënaqur me performancën e tij. Me mënyrën si ka luajtur. Ka qenë e vështirë për të të luajë me 3 lojtarë të fortë në lojën në ajër. Duhet të punojmë më shumë, por gjithsesi jam i lumtur në përgjithësi me skuadrën.
NDRYSHIMI I SKEMËS– Mendonim që Laçi do të luante në 3 në prapavijë, ndaj kemi zgjedhur këtë variant taktik. Kemi qenë të balancuar, por kemi vuajtur shumë në finalizim, nuk kemi qenë efektiv, për këtë duhet të punojmë shumë.
NDESHJA E KUPËS- Kampionati është i vështirë. Kemi bërë një kampionat të mirë, skuadrat kanë qenë shumë të përgatitura në fazën e tretë. Mungon finalizimi, mungon besimi te lojtarët e sulmit, kur mungon besimi gjërat nuk bëhen të lehtët. Duhet të vertikalizojmë më shpejt. Kjo është ajo që duhet të bëjmë të mërkurën në Kupë. Jemi gati për këtë ndeshje, mendoj që mund t’ia dalim”, u shpreh Brdariç.