Kryeministri Edi Rama u ndal në Vlorë këtë të Shtunë, nga ku deklaroi se i gjithë qarku është bërë “si jashtë shtetit”, falë punës, sipas tij, të qeverisë.
“Nëse ka ndonjë vend se pse mandati i tretë është i ilustruar nga katër anët që kthen sytë është për këtë qark, kush e mendonte që do të mblidheshim këtu siç themi ne në gjuhën popullore, sikur je jashtë shtetit”, tha Rama.
Gjatë fjalës së tij, ai sulmoi opozitën dhe kërkoi votën nga qytetarët për një mandat të tretë qeverisës.
Ai u shpreh i sigurt se PS fiton nga 74 në 78 mandate në zgjedhjet e 25 Prillit.
