Një i ri përfshihet në një sherr me një polic në qytetin e Lezhës, por situata ka degjeneruar në dhunë fizike e goditje me grushta.
Siç duket edhe nga pamjet, një i ri tenton ta gjuajë policin, por ky i fundit, shumë herë më i fortë, i kthehet atij keq me grushte. Kështu, është dashur ndërhyrja e një tjetër polici për t’i ndarë ata nga njëri-tjetrit.
Policia e Lezhës thotë se 2 të rinjtë Renato Gjonpalaj, 26 vjeç dhe Besnik Lami, 33 vjeç, kanë kundërshtuar policinë. Mësohet se Renato Gjonpalaj po e drejtonte mjetin në gjendje të dehur ndërsa pasagjeri në mjet shtetasi Besnik Lami i ka kundërshtuar punonjësit e policisë për të mos i lejuar të kryejnë veprimet e tyre.
