Alfred Peza, ish-deputet i PS, ka bërë një deklaratë qesharake në emisionin Open, lidhur me grevën e kontrollorëve në Rinas.
Ndërsa një ditë më parë, në një tjetër emision, e cilësoi grevën si grusht shteti, ndërsa kontrollorët si puçistë, sot Peza tha se “kontrollorët tentuan të sabotojnë stërvitjen amerikane në Shqipëri”.
“U tentua edhe të sabotohet një nga stërvitjet më të mëdha të 30 viteve të fundit në Europën Lindore të SHBA dhe NATO-s”, tha Peza në emision, deklaratë që shkaktoi habi dhe të qeshura te të pranishmit në emision.
Duket se ish-deputeti socialist, që shfaqet si analist në emisionet televizive, qëndron shumë hapa përpara Kryeministrit Edi Rama në “betejën” që prej dy ditësh kanë nisur me një grup kontrollorësh që herë i quajnë puçistë, herë si pjesëtarë në grusht shteti dhe tashmë edhe sabotatorë.
