Kryeministri i Malit të Zi, Zdravko Krivokapiq, tha se vajza e tij, e cila është një person i mbrojtur prej shtetit, ishte në automjetin zyrtar që u sulmua sot më herët në rrugën Nikshiq – Podgoricë.
Ai tha se si “baba kurrë nuk do t’i harrojë lotët dhe frikën e saj” dhe se “nuk do të lejojë egërsinë dhe paligjshmërinë”.
“Sot, u sulmua automjeti zyrtar në të cilin ishte vajza ime, një person i mbrojtur. Si baba, nuk do t’i harroj lotët dhe frikën e saj. Si Kryeministër, nuk do t’ju lejoj egërsi dhe paligjshmëri! Rendi dhe ligji do të sundojnë në vendin që nuk jeni mësuar. Do ta shihni shpejt”, shkroi Krivokapiq në Twitter.
Më herët sot, në rrugën Podgoricë – Nikshiq, kishte një incident në të cilin dy shtetas u plagosën lehtë. Një grup qytetarësh u përpoqën të parandalonin kalimin e automjeteve të Qeverisë së Malit të Zi, duke u ulur në parakolp.
Ndryshe, Krivokapiq ka akuzuar presidentin malazez, Milo Gjukanoviq se po prodhon trazira dhe se duhet të ndalet me provokimet.
Government owned vehicle in Nikšić pic.twitter.com/Yl5AgIFADk
— Ljubomir Filipović (@ljubofil) April 8, 2021
