Gentian Muça do të kandidojë në zgjedhjet parlamentare të 25 prillit nën siglën e Partisë Demokratike. Qendërmbrojtësi i njohur ka publikuar spotin e tij teksa pjesën më të madhe e zë karriera e shtatlartit me skuadrën e Tiranës.
Edhe pse shpesh është trumbetuar fort që sporti dhe politika duhet të jenë tërësisht të ndara, vitet e fundit kemi parë që ndodh ndryshe.
Edhe në këtë fushatë elektorale, ish-qendërmbrojtësi i Tiranës që luan me Prishtinën në Kosovë, ka zgjedhur të kërkojë votat përmes spotit ku një pjesë të madhe e zë ekipi bardheblu.
