Armando Fezga, kryetar i sindikatës së kontrollorëve, Flora Ndreca, përgjegjëse turni dhe Muhin Mezini kontrollor, u arrestuan nga policia e Tiranës të premten.
Tre punonjësit e “Albcontrol”, akuzohen për shpërdorim detyre, pasi ata dhe pjeta tjetër e kontrollorëve ndërprenë punën duke kundërshtuar uljen e pagave dhe ndryshimin e kushteve të punës. Situata solli dhe pezullimin e fluturimeve në Rinas.
Tre personat e arrestuar, së bashku me 25 punonjës të tjerë u shoqëruan në polici të Enjten pak para mesnate.
Paraditen e sotme, për 3 persona u lëshuan urdhër-arreste nga prokuroria e Tiranës, ndërsa të tjerët u liruan.
Komiteti i Mbrojtjes Civile njoftoi këtë të Enjte se, kanë nisur procedurat për rinisjen e punës në aeroportin e Rinasit.
Lexo edhe:
