Andel Trebicka, një prej kontrollorëve të Albcontrol, u shpreh mbrëmjen e sotme se kanë nisur presionet ndaj punonjësve të Albcontrol.
Trebicka tha në emisionin Opinion se një prej kontrollorëve është ndaluar nga policia në Tiranë, ndërsa edhe në ambientet e aeroportit ka presione policore.
“Edhe zonja Ndreca e Albcontrol që keni në emision mund të arrestohet nga policia, sapo të mbarojë emisioni”, paralajmëroi Trebicka.
Ai akuzoi ministren Belinda Balluku si shkaktaren e gjithë situatës së krijuar.
“Policia po ushtron presione pas deklaratave të ministres Balluku, e cila ka 1 vit që nuk zhvillon dhe nuk na pret në asnjë negociatë”, tha Trebicka.
