Luhet mbrëmjen e sotme duke filluar nga ora 21:00, supersfida mes Bayern Munich dhe Paris Saint-Germain, takim i vlefshëm për fazën çerekfinale të Ligës së Kampioneve.
Përballë kampionëve në fuqi të Evropës, parizienët do të kërkojnë të hakmerren ndaj skuadrës së Flick për atë finale të humbur sezonin e kaluar. Në këtë takim padyshim që PSG nuk shihet si favorite edhe pse Bayern do të duhet të bëjë pa shërbimet e “bomberit” Robert Lewandowski apo edhe Serge Gnabry.
Nga ana tjetër edhe skuadra e Mauricio Pochettino vuan mungesat e saj. Italianët Marco Verratti dhe Alessandro Florenzi janë të infektuar me koronavirus, Leandro Paredes është pezulluar, ndërsa Mauro Icardi dhe Layvin Kurzawa janë të dëmtuar.
Formacionet e mundshme:
Bayern: 4-2-3-1: Neuer; Hernandez, Alaba, Sule, Pavard; Goretzka, Kimich; Sane, Muller, Coman; Choupo Moting
PSG: 4-2-3-1: Navas; Diallo, Kimbembe, Mqruqinhos, Kehrer; Gueye, Danilo; Neymar, Di Maria, Kean; Mbappe
