“Në Qarkun e Beratit, Partia Demokratike merr katër mandate, LSI dy dhe Partia Socialiste vetëm një mandat”. Kjo është prognoza e deputetit Lefter Maliqi për qarkun ku kandidon në zgjedhjet e ardhshme parlamentare, që do zhvillohen më 25 Prill.
Në një deklaratë për gazetarët para selisë së Kuvendit, Maliqi shprehu bindjen se do të jetë deputet edhe në parlamentin e pas 25 Prillit, ndërsa shtoi se do vijojë të mbetet një zë kritik si ligjvënës, “nëse nuk mbahen premtimet nga kryeministri Basha”.
Lidhur me fletën votimit për të cilën Kolegji Zgjedhor vendosi në përputhje me kërkesën e së PS, Maliqi tha se kolegji u kap siç është kapur reforma në drejtësi, sipas tij.
Maliqi u shpreh se qytetarët janë të zhgënjyer nga qeveria dhe kryeministri Rama, të cilin e quajti sharlatan.
“PS po shpërndan para”
Maliqi tha po ashtu se kandidatët e PS për deputetë po shpërndajnë para.
“Dua t’ju bëj thirrje të gjithëve se këto lekë, që se shpejti do të bëj edhe denoncim publik, që po ofrojnë kandidatët e PS, të cilët janë të përçarë dhe vuajnë për të marrë votat për të thyer hersin. Popullit po i behët thirrje të marrin ato lekë, sepse janë lekë krimi dhe votën ta japin me ndershmëri ku duhet”, u shpreh Maliqi.
