Përfundojnë në pranga dy persona në qytetin e Beratit, të cilët akuzohen se kundërshtuan me dhunë punonjësit e Policisë.
Bëhet fjalë për B. Q., 44 vjeç dhe B. Q., 19 vjeç, të dy banues në lagjen Çlirim.
Sipas njoftimit të Policisë, “këta shtetas, në vendin e quajtur ‘Dogana’, gjatë kontrollit të ushtruar nga shërbimet e Policisë në pikën e kontrollit, nuk kanë pranuar të tregojnë dokumentacionin e mjetit dhe i kanë kundërshtuar ata me dhunë.
Materialet u referuan në Prokurorinë pranë Gjykatës së Shkallës së Parë Berat, për veprën penale “Kundërshtimi i punonjësit të policisë së rendit publik”, shtuan të njëjtat burime.
