Sondazhi i Antonio Notos, i publikuar mbrëmjen e së martës në emisionin “Tempora”, parashikon se në qarkun e Durrrësit, PD dhe PS, ndahen në barazim me një numër votash nga 44.5-48.5 % të votave.
Referuar sondazhit të publikuar më parë, PD ka një rritje me minimalisht 11 % të votave në qarkun e Durrësit, ku lista e demokratëve kryesohet nga nënkryetari Edi Paloka, ndërsa e socialistëve nga Milva Ekonomi, por i 8-ti në listën e PS renditet Edi Rama.
Referuar sondazhit të Notos, dhe nëse shifrat nuk lëvizin, Edi Rama nuk arrin të marrë mandatin e deputetit në këtë Qark, që numëron 14 mandate deputetësh në total.
LSI llogaritet me një mbështetje mes 3.5-7.5 % të votave, ndërsa të pavendosurit llogariten në 23 %.
