Mevlan Shaba është konkurrenti më i vjetër në “Për’puthen”, pasi është pjesë e programit që nga fillimi i këtij sezoni. Ai ka dalë në takime me vajza të ndryshme, por vetëm së fundmi mori vendimin e rëndësishëm dhe është deklaruar vetëm për Ledianën.
Së fundmi Mevlani i habiti të gjithë me postimin që bëri në “Instastory”. Ai ndau me ndjekësit një foto të tij, të cilën e kishte shoqëruar me këngën “Love Story”. Ai ka shkëputur nga kënga pjesën ku shprehet: “Më theve zemrën tani je me tjetër tregomë a m’ke harru. Ty gabimet të mbetën shkatërrove veten, tash je tu më kërku”.
Vëmendjen më të madhe e ka marrë shkrimi krahas fotos: “Dënimi më i madh në jetë është kur dashuron personin e gabuar”, duke i lënë fansat me pikëpyetje se çfarë ka ndodhur.
