Një autobus i linjës së Uzinës në Tiranë ka aksidentuar ditën e sotme një 20-vjeçar këmbësor. Ngjarja ka ndodhur përballë Ministrisë së Jashtme në bulevardin “Zhan D’Ark”.
Sipas të dhënave paraprake mësohet se këmbësori, rreth 20 vjeç, ishte duke kaluar rrugën kur është përplasur nga mjeti me targa TR7122U.
Ndërkohë, shoferi me inicialet A.K deklaroi se semafori ishte jeshil, ndërsa ishte këmbësori ai që i preu rrugën, dhe iu hodh në xham. Bëhet e ditur se i riu ka marrë dëmtime në kokë ndërsa ndodhet në spitalin e Traumës për mjekim.
