Katër skuadra kryesuese, që i ndajnë vetëm 2 pikë. Kategoria Superiore rikthehet menjëherë me takime spektakolare ndërmjet skuadrash që kërkojnë titullin kampion.
Pasi la pas krizën, Vllaznia e vendit të parë përplaset me Partizanin në Shkodër, ndaj të cilëve do të kërkojë të gjejë vazhdimësinë dhe të ruajë kryesimin.
Jo më pak i rëndësishëm është edhe dueli mes Laçit të vendit të dytë dhe Teutës së vendit të katërt, dy skuadra që presin ndalesa të rivalëve direkt, ndërsa objektiv kanë edhe ato titullin.
Java e 26 e Superiores mbyllet të dielën, me pjesën tjetër të ndeshjeve. Tiranën që pret Apoloninë, Bylis që ndeshet me Kastriotin dhe Skënderbeun që sfidon Kukësin.
