Teksa na ndajnë 22 ditë nga votimet, astrologia Meri Shehu bën parashikimin e saj për zgjedhjet e 25 Prillit.
E ftuar në emisionin “Wake Up”, ajo tha se kryeministri Edi Rama nuk fiton në zgjedhjet parlamentare.
Madje, shtoi se ka parë një ëndërr me kreun e qeverisë.
“Rama del me vështirësi. Në bazë të energjisë time, kryeministri e ka shumë të vështirë. Madje kam parë një tip ëndrre nëse duhet ta them, se unë zakonisht edhe me ëndrra … nuk parashikoj me ëndrra, por njerëzit e mëdhenj ma japin ndonjëherë energjinë kur ne i mendojmë shumë ose na kanë ndikuar shumë se jemi të pandashëm nga ndikimin, sepse i shohim përditë. Rama e ka shumë të vështirë, mund të dalë dhe humbës patjetër. Ajo që pashë unë është që ishte në një vend të shtruar, të bukur, por ishte me pllaka të ftohta ky vend. Dhe i thashë: ‘Mos u mërzit se ti do fitosh prapë dhe do ta shtrosh me parket, do ta bësh më të ngrohtë’. Ai tha: ‘Jo, nuk e fitoj’. Pra unë mendoj se dhe ai vetë nuk do ta fitojë, nuk fiton”, tha Meri Shehu.
“Parketin nuk e shtron dot Rama”, shtoi ajo më tej.
