Partia Demokratike ka reaguar mbi akuzat e Kryeministrit Rama se takimet elektorale të kryetarit të PD-së Basha shërbejnë si vatra infektimi nga Covid.
“Rama nuk ka frikë për koronavirusin. Ai ka frikë nga qytetarët shqiptarë që duan ndryshimin pas 8 vitesh dështime të tij. Është koha që Shqipëria të fitojë dhe Rama të humbasë”, shkruan PD në një reagim në Twitter.
Rama e quajti organizimin e takimeve elektorale të PD-së me qytetarë, “të turpshme, një rrumpallë kriminale, pasi ato janë vatra infektimi”.
“Dy-tre javë do virusi që të zhvillohet dhe të kapi fytin. Unë uroj që asnjë prej tyre mos të përfundojë në spital e jo më të ndërroj jetë”, u shpreh Rama gjatë një takimi me fermerë në Rrogozhinë, këtë të Enjte.
