Quavo, një anëtar i grupit të famshëm Migos u nda vitin e kaluar nga e dashura e tij Saweetie me të cilën ishte në një lidhje 2-vjeçare. Por së fundmi mediat kanë publikuar pamje të reja nga ndarja e tyre e cila në fillim u duk se ishte e qetë dhe me konsensus, por në fakt ishte ndryshe.
TMZ ka publikuar pamjet nga ashensori ku ata duket se zihen dhe reperi tërheq zvarrë ish-të dashurën e tij Saweetie dhe e hedh atë në dysheme. E gjithë ngjarja ka ndodhur në një kompleks apartamentesh në Hollywood-in e Veriut dhe kamerat e sigurisë regjistruan momentin kur Saweetie goditi Quavo para se të hynte në ashensor dhe u përpoq ta parandalonte atë që ta ndiqte.
Pasi shtyu derën e ashensorit, reperi rrëzon ish-të dashurën në dysheme. Edhe pse ashensori hapet në katin tjetër, Quavo nuk e ndihmon vajzën të ngrihet dhe qëndron në këmbë ndërsa njerëzit e tjerë shohin skenën. Ndërsa vetëm pasi kalojnë disa kate, Quavo del nga ashensori dhe pret edhe të dashurën e tij të ngrihet edhe pse është duke çaluar. Burime për TMZ thonë se konflikti ndodhi në vitin 2020, disa muaj para ndarjes. Reperi Quavo tha më 19 mars se tashmë është ndarë nga vajza. Ndërsa ajo pretendon se arsyeja e kësaj ndarjeje është mashtrimi. Ndërsa në lidhje me këtë ngjarje policia nuk ishte në dijeni dhe nuk u ndëshkua asnjëri prej tyre.
https://www.youtube.com/watch?v=oJP086yeHyw&feature=emb_title
