Një pikë karburanti në superstradën Lezhë-Shkodër ka rënë pre e grabitjes. Dy persona të maskuar për të çuar deri në fund grabitjen e tyre u është dashur që të përleshen me rojen e karburantit duke e rrahur atë egërsisht.
Grabitësit kanë dhunuar me sende të forta punonjësin Lekë Përkeçi, për të marrë më pas një shumë të konsiderueshme parash.
Ngjarja ka ndodhur pak pas mesnatës mes të shtunës dhe të dielës, në afërsi të fshatit Dajç, ku si pasojë e dëmtimeve të marra, Përkeçi ka përfunduar në spital.
Policia po heton për zbardhjen e tyre, për identifikimin e autorëve si dhe përcaktimin e shumës së parave të grabitura.
