Mjeku Kita Sallabanda ka dhënë detaje se si po funksionon vaksina kineze në vendet ku është aplikuar.
Në një lidhje për një emision televiziv, ai tregoi se vaksinën kineze e kanë injektuar në Peru, Kili, Argjentinë, dhe kanë pasur probleme, por shtoi se Shqipëria nuk mund të sigurojë asnjë prej vaksinave të kompanive të tjera në sasi të mëdha.
Sipas Sallabandës, vaksina kineze duhet të bëhet me dy doza, dhe ka një efikasitet që shkon maksimumi deri në 60%.
“Unë mendoj që Shqipëria duhet të bëjë vaksinimin e popullatës sepse nuk ka rrugëzgjidhje tjetër. Sepse nuk ka mundësi të marrë Phizer, Astra Zeneca, Moderna në sasitë që i duhen. Vaksinën kineze e kanë bërë në Peru, Kili, Argjentinë, dhe po ju them që kanë pasur probleme. Nuk është zgjidhja më e mirë, por e domosdoshme. Një nga problemet që kanë pasur në Kili, edhe pse kanë vaksinuar 35 përqind të popullatës, është rritur sërish numri i të infektuarve. Në Peru pasi është bërë vaksina kineze, është parë që mortaliteti ka qenë i lartë dhe vaksinimi u ndërpre. Unë mesa informacion kam, vaksina kineze duhet bërë më dy doza dhe jo me tre doza. Problemi i vaksinës kineze është që nuk kemi infomacionin e duhur. Efektii i vaksinës kineze lëviz me 55-60 përqind. Prandaj ajo që po ndodh në Kili lidhet me efikasitetin”, tha ai.
