Drejtori Teknik i Tiranës, Tefik Osmani ka zbuluar mbrëmjen e djeshme se në drejtim të bardhebluve ka mbërritur një ofertë prej 300 mijë eurosh për Visar Bekaj.
I ftuar në “Sport News Plus”, korçari ka treguar se presidenti Refik Halili e ka refuzuar këtë shumë, teksa mendon se gardiani i Kosovës vlen më shumë se kaq. Verën e shkuar, Bekaj u bashkua me Tiranën nga Prishtina, për 50 mijë euro.
“Na ka ardhur një ofertë prej 300 mijë eurosh për Visar Bekaj. Presidenti e ka refuzuar këtë ofertë, pasi mendon se ai vlen më shumë. Në rast se do të aktivizohej me Kosovën, sigurisht që çmimi i tij do të rritej dhe do të kishte oferta më të larta për të”, tha Osmani.
