“Gjatë këtij muaji Partizani do nisë me rinovimet e lojtarëve”, këto ishin fjalët e trajnerit Ilir Daja pak ditë më parë. Një ndër lojtarët që është në skadencë kontrate me “Demat e Kuq” është edhe Jasir Asani.
Futbollisti sezonin e shkuar u huazua për gjashtë muaj te AIK në Suedi, me klubin nga Stockholmi që nuk shfrytëzuan të drejtën për blerjen përfundimtare.
Lojtari në verë kishte një ofertë konkrete nga Masafi në Dubai, ndërsa sipas shtypit të shkruar Asani nuk pranoi të firmoste një parakontratë me këtë ekip, duke u fokusuar te Demat.
Ky sezone edhe njëherë ka treguar se shkupjani 24 vjeçar është nga më të mirët në elitën tonë të futbollit, teksa nuk kanë munguar ofertat. Janë tre të tilla në tavolinë, me Partizanin që duhet të vendosë. /Newsport.al
