Nuk kanë të sosur skandalet e Operatorit të Shpërndarjes së Energjisë Elektrike (OSHEE). Sëfundmi ky institucion ndërpreu dritat tek Teatri Kombëtar duke shkaktuar irritim tek dhjetra qytetarë të cilët po shikonin shfaqjen “Don Kishoti” me aktorët Romir Zalla dhe Gentjan Zenelaj.
Për 30 minuta, të ftuarit kanë pritur që të vinin dritat për rifillimin e shfaqjes për të cilën ata kishin prerë biletë. Për të qetësuar situatën aspak të këndshme, aktorët Romir Zalla dhe Gentjan Zenelaj kanë nisur të bëjnë batuta me të pranishmit, me shpresën se OSHEE po risillte energjinë elektrike.
Ky pra, është standardi i OSHEE, nëse dikush nuk paguan energjinë elektrike mund edhe të përfundojë në burg, ndërsa kur ky institucion të heq dritat askush nuk mban përgjegjësi.
Nga Boldnews.al
