Kolegji Zgjedhor Gjyqësor vendosi pranimin e padisë së Partisë Socialiste dhe shfuqizimin e vendimit të KAS në lidhje me listat e PD-së. Në bazë të këtij, vendimi Partia Demokratike do të ketë 153 kandidatë në listën për zgjedhjet e 25 prillit.
PD kishte paraqitur dokumentacionin me 222 kandidatë në listë, por që u hodh poshtë nga KQZ, duke miratuar 153 kandidatë. PD ankimoi vendimin dhe KAS vendosi vendosi në favor të selisë blu.
Por, lidhur me vendimin e Komisionit të Ankesave dhe Sanksioneve u bë një tjeter ankim, këtë herë nga Partia Socialiste. Kolegji Zgjedhor Gjyqësor vendosi në favor të Partisë Socialiste, duke rrëzuar vendimin e KAS.
Sekretari për Çështjet Zgjedhore në PD, Ivi Kaso e cilësoi të ndikuar nga PS dhe jo konform ligjit vendimin e Kolegjit Zgjedhor.
