Aktorja e famshme e “Hollywood”-it, Sharon Stone, ka rrëfyer së fundmi shumë detaje rreth jetës së saj private. Pasi zbuloi se e kishte ngacmuar seksualisht një producent, ajo ka treguar ngjarje të tjera tronditëse.
Stone ka zbuluar se vite më parë i ka shpëtuar vdekjes për një fije, pas një goditje në tru. Ka qenë shtatori i vitit 2001 kur ajo ka pësuar një goditje në tru dhe mjekët i hoqën të gjitha shpresat përjetë.
Në atë kohë, aktorja me famë botërore pati hemorragji cerebrale që i zgjati 9 ditë me radhë. 63-vjeçarja ka rrëfyer gjatë një interviste për “Today Sunday” se ka telefonuar nënë e saj dhe i ka thënë që është mirë të vish në spital sa më parë.
“Dhoma ishte shumë e qetë. Kur dhoma është shumë e qetë dhe askush nuk nxiton që të të shëroj, këtu e kupton se vdekja po afron dhe sa serioze është çdo gjë”, ka zbuluar aktorja.
“Në librin tënd ti shkruan për dritën, ndjenjën e humbjes, ke parë njerëzit që kanë humbur jetën”, ishte pyetja e gazetarit për të bërë aktoren që të tregojë më shumë detaje.
“Zbulova se unë nuk isha e vetmja që kam pasur këtë eksperiencë. Është shumë e thellë. Dhe unë e di se shkencëtarët ndjejnë se është diçka shkencore që ndodh. Dhe spiritualistët besojnë se është diçka spirituale. Personalisht unë jam me Ajnshtajnin, që beson tek të dyja”, ka thënë Sharon.
