Kryeministri Edi Rama ka shpjeguar pse ka zgjedhur të vendosë në zonën e Kombinatit si kandidate për deputete, ministren Belinda Ballukun.
Rama u shpreh se ajo është mësuar të mbajë pesha të rënda që në fëmijëri, ndërsa e cilësoi njeriun kyç për infrastrukturën rrugore dhe të energjisë. Ai thumboi edhe kundërshtarët e tij politikë.
“Belinda ka lindur për të mbajtur pesha të rënda. Ka mbajtur pesha të rënda kur ka qenë fëmijë për arsye të rënda.
I mban sot dhe gjithë ditën. Është njeriu kyç qoftë për infrastrukturën rrugore dhe të energjisë.
Belinda ka ardhur në Kombinat jo për të marrë vota por për t’i qëndruar Kombinatit mbi kokë. Kontrata që firmosëm sot i kemi premtuar shumë kohë më parë. Ne ndërkohë është e rëndësishme të mbrojmë shpirtërisht nga fallxhoret e Kombinatit që e dini shumë mirë çfarë ju thonë që këtu do bëhet diçka tjetër dhe ju do mbeteni rrugëve. Në kontratë është e thënë që ky është afati dhe përtej afatit bashkia do marrë përsipër sanksionet”, tha Rama.
