Problemet martesore të Kim Kardashian dhe Kanye West do të transmetohen në reality show-n “Keeping Up With The Kardashians”.
Kim bëri zyrtarisht kërkesë për divorc nga burri i saj pas 6 vitesh për shkak të problemeve të vazhdueshme martesore. Gjatë episodit të fundit të “KUWTK”, ylli i realitetit u përpoq t’i mbante problemet larg vëmendjes, por në fund iu desh ta adresonte këtë çështje.
Kardashian tha: “Nuk është sekret që të gjithë shohin gjëra në media në lidhje me jetën time me Kanye, por gjithmonë nuk kam dashur të flas për çështjet mes meje dhe Kanye. Dua të them, i shihni qartë në twitter, prandaj zgjedh të mos flas këtu.“, u shpreh ajo.
Kim përmendi “diferenca të papajtueshme”, si arsye kur paraqiti kërkesën për divorc. Ish çifti po kërkon kujdestarinë e përbashkët të fëmijëve të tyre.
