Këshilli i Lartë i Prokurorisë vendosi unanimisht për emërimin e Elizabeta Imerajt në krye të Prokurorisë së Tiranës. Mandati i ri ka afat 3-vjeçar.
Imeraj u emërua prokurore në vitin 2005 dhe punoi për 13 vite si prokurore në Prokurorinë e Krimeve të Rënda. Në gusht 2018, ajo u komandua si drejtuese e Prokurorisë së Tiranës, ndërkohë që kishte kandiduar për t’u bërë pjesë e Prokurorisë së Posaçme, SPAK.
Aktualisht, Imeraj është në pritje të vendimit të KPK-së, teksa seancën dëgjimore e zhvilloi më herët gjatë javës.
Po ashtu, KLP vendosi unanimisht caktimin e prokurorit Kreshnik Ajazi, në pozicionin e Drejtuesit të Prokurorisë pranë Gjykatës së Shkallës së Parë Elbasan për një mandat 3-vjeçar.
