Sekretari për Marrëdhëniet me Jashtë në Partinë Popullore të Evropës, Patrick Voller ka shprehur mbështetjen e tij për Partinë Demokratike dhe liderin e saj Lulzim Basha.
Përmes një postimi në FB, Voller ka rishpërndarë një video të postuar nga kryedemokrati që përmblidhte aktivitetin e nisjes së fushatës ditën e djeshme, në sheshin “Nënë Tereza.”
Bashkë me videon, Voller shkruan se Shqipëria Evropiane ka nevojë për ndryshim, ndërsa shton se ky ndryshim po vjen pasi PS po kandidon “me njerëz që janë në listën e zezë të SHBA”.
“Ndryshimi është i nevojshëm për Shqipërinë Evropiane! Urimet e mia më të mira për PD. Ndryshimi i nevojshëm është duke ardhur ndërkohë që socialistët po garojnë me njerëz të futur në listën e zezë nga SHBA”, shkruan ai.
Partia Demokratike çeli zyrtarisht fushatën elektorale ditën e djeshme në sheshin “Nënë Tereza”, në Tiranë.
