Ylli televiziv, Kim Kardashian, ka ndërtuar një mini qytet për katër fëmijët e saj. Mediat e huaja shkruajnë se ajo e ka ndërtuar atë në oborrin e pasmë të rezidencës prej 60 milionë dollarë në Calabasas.
“Lil Hidden Hills” është qyteza miqësore për fëmijët e Kim. Aty përfshihet gjithashtu edhe një dyqan i “KKW Beauty”, një kështjellë “Lego”, një stacion zjarri, një restorant, kafene Starbucks” dhe gjithçka tjetër që fëmijëve mund t’u duhet. Fëmijët kanë mundësi gjithashtu që të presin edhe vizitorë për të shijuar një darkë në një restorant të stilit të viteve ’50 me emrin “West Diner”.
Në mini qytet nuk mund të mungonte një dyqan ushqimesh, dyqan lulesh, ATM për të tërhequr para dhe vila dykatëshe. Njëkohësisht ekziston edhe një kështjellë ëmbëlsirash rozë.
Për t’i dhënë mini-qytetit një ndjenjë realiste, ka edhe ndriçues rrugësh dhe një rrugë kryesore të improvizuar. Një numër i madh punëtorësh ndërtimi dhe kamionësh u panë të martën në kompleksin e Kim dhe Kanye.
