Pronari i një lokali në Vlorë është arrestuar nga policia pasi akuzohet për veprën penale të ushtrimit të lojrave të paligjshme të fatit.
Policia njoftoi këtë të Enjte se, efektivët kanë konstatuar se në lagjen “1 Maji”, në lokalin e shtetasit A.K., 46 vjeç, ushtrohej aktiviteti i kundërligjshëm i lojërave të fatit, duke fshehur edhe të ardhurat.
Në cilësinë e provës materiale u sekuestruan 5 pajisje elektronike që përdoreshin për të ushtruar lojërat e fatit.
Të njëjtat burime shtuan se, në përfundim të veprimeve hetimore, specialistët për Hetimin e Krimit Ekonomik – Financiar proceduan penalisht në gjendje të lirë shtetasin A. K., për veprat penale “Organizimi i lotarive të palejuara” dhe “Fshehja e të ardhurave”, ndërsa materialet procedurale i kaluan Prokurorisë Vlorë, për veprime të mëtejshme.
