Policia italiane ka arrestuar një 44-vjeçar shqiptar dhe një italiane, pasi të dy bashkë kanë droguar me medikamente dhe alkool një pensionist dhe më pas i kanë zhvatur 110.000 euro .
Shqiptar me inicialet G.M si dhe e fejuara e tij 54-vjeçare me inicialet C. L. kanë rënë në prangat e policisë pas një aksioni i cili erdhi si rezultat i një investigimi, pasi ishin vërejtur tërheqje të shumta parash nga llogaria e 74-vjecarit.
Autorët e krimit kanë patur si synim zhvatjen e një tjetër llogarie bankare në Zvicër ku raportohet se i moshuari kishte depozituar mbi 600.000 euro. Fillimisht autorët janë miqësuar me viktimën, e më pas, duke e droguar me medikamente dhe duke i dhënë të kosnumojë sasi të konsiderueshme alkooli, kanë arritur që t’a bindin që t’u jepte të dhënat personale të llogarive.
Sipas mediave italiane, policia ka denoncuar gjithashtu dhe 4 persona të tjerë bashkëpunëtorë të të arrestuarve. Ata janë një mjek, një promotor financiar, ish-bashkëshortin e shtetases italiane e vajzën e saj. Gjatë arrestimit policia ka sekuestruar ciftit dy makina dhe një pistoletë që rezultoi e vjedhur.
