Partizani-Teuta ishte një nga ndeshjet e javës së 25-të të Kategorisë Superiore. Sfida e luajtur në “Elbasan Arena” u mbyll në barazim 0-0, ndërsa nuk munguan as polemikat. Partizani shënoi një gol që u anullua për pozicion jashtë loje, ndërsa gjyqtari anësor akordoi pozicion jashtë loje. I ftuar në emisionin “Skaner”, ish-gjyqtari Bujar Pregja foli për këtë rast, ndërsa nuk mungoi as replika nga Sulejman Starova, drejtori i Teutës.
Pregja: Janë dy lojtarë të Teutës dhe dy të Partizanit dhe për mendimin tim do të ishte mirë të lihej gol edhe pse pamjet janë të vështira. Është një rast që duhet sistemi VAR për ta vendosur drejtë”.
Starova: Këtë e zgjidh VAR që edhe ata duhet të rrijnë 5 minuta për ta vendosur. Këtu nuk gjej dot fajtor. Nuk dua të mbaj asnjë krah, por këtë rast e zgjidh vetëm VAR.
Pregja: Asnjë ne nga nuk e thotë dot që është pozicion jashtë loje me siguri. Kur janë raste të tilla është më mirë që përparësi të ketë sulmuesi. Nëse anësori është i dyzuar duhet ta lëri lojën dhe të akordojë gol.
Starova: Në këto sekonda, anësorit i duket që 3 lojtarët e Partizanit janë pozicion jashtë loje. Nëse do ishte gol do të kishte qarë Teuta siç qau Partizani.
