Ish-kreu i qeverisë Sali Berisha ka komentuar sot lajmin për shtyrjen e negociatave të BE-së me Shqipërinë; sipas Berishës, për kryeministrin Rama kjo është si të të plasë kanabisi në dorë!
Berisha ka reaguar edhe pas deklaratave të deputetit austriak, Michael Hammer, i cili tha se Rama duhet të zgjidhë urgjent problemin e drogës. Ish-kryeministri ka postuar edhe disa foto nga arat me kanabis dhe një fotomontazh të Ramës mes kanabisit.
STATUSI I BERISHËS
Mbretit te Kanabistanit, drogmenit Edvin Kristaq Rama i plas kanabisi ne dore!
Kryetari i grupit te miqesise Austri – Shqiperi ne parlamentin austriak, Hammer deklaron:
-Negociatat hapen vetem pas plotesimit te kushteve!
-Kababisi problem kryesore qe do zgjidhje urgjente!
Te dashur miq, pas deklaratese se kryetarit te komisionit per Europen te Bundestagut gjerman, Krichbaum per kerkesen e prere te grupit parlamentar CDU/CSU per plotesimin e 7-te kushteve per hapjen e negociatave me Shqiperine, kryetari i grupit te miqesise Austri -Shqiperi ne parlamentin austriak, Hammer deklaroi dje se hapja e negociatave me Shqiperine do të bëhet pasi të jeni plotësuar disa kushte.
Hammer deklaroi se shqetësim kryesor mbetet çështja e kanabisit dhe: “Veçanërisht problemi i kultivimit dhe trafikut të drogës duhet të zgjidhet nga qeveria Rama dhe autoritetet përkatëse në mënyrë urgjente. Qeveria duhet të refuzojë qartësisht të tilla praktika, në mënyrë që të ndryshojë imazhi ndërkombëtar për vendin. Ky problem është një pengesë shumë e rëndësishme për fillimin e negociatave. Këtu qeveria Rama duhet të ndërmarrë hapa për të zgjidhur çështjen. BE duhet të monitorojë nga afër këtë zhvillim”.
