Varianti i Covid i identifikuar në New York mund të infektojë njerëz që kanë qenë të infektuar me Covid ose janë vaksinuar, tha ish-shefi i Administratës së Ushqimit dhe Barnave (FDA) Scott Gottlieb.
Sipas gazetës amerikane “New York Post”, Gottlieb tha se mbetet e paqartë nëse varianti “lokal” i New York, i njohur si B.1.526, ishte përgjegjës për rritjen e rasteve në Brooklyn dhe Queens.
“Ajo që shkencëtarët nuk e kanë sqaruar është nëse ‘B.1.526’ mund të infektojë njerëz të cilët tashmë janë vaksinuar ose janë diagnostikuar me koronavirus”, tha Gottlb.
“Varianti i New York përmban një mutacion të ngjashëm me variantin e Afrikës së Jugut B.1.351, i cili ka treguar” në disa raste “se mund të infektojë përsëri njerëzit që tashmë kanë qenë të infektuar”, tha një zyrtar amerikan.
“Pyetja është nëse mutacioni ‘B.1.526’ është përgjegjës për rritjen e rasteve në New York dhe nëse ky është fillimi i një epidemie të re në qytetin e madh,”
Ish-kreu i Administratës së Ushqimit dhe Barnave (FDA) gjithashtu theksoi se ekspertët e shëndetit publik nuk kanë të dhëna të mjaftueshme për të arritur në përfundime të qarta.
Për këtë arsye, ai u bëri thirrje Qendrave Amerikane për Kontrollin dhe Parandalimin e Sëmundjeve (CDC) që të punojnë me zyrtarët e New York për të identifikuar rastet e mundshme të koronavirusit të lidhur me mutacionin B.1.526.
Një variant i ri është identifikuar në Belgjikë
Një variant i ri koronavirusit është zbuluar në Belgjikë nga Universiteti i Liege dhe aktualisht përbën rreth 4% të infeksioneve në vend.
Varianti B.1.214 ” – u zbulua për herë të parë në janar dhe përhapja e tij po monitorohet nga afër nga studiuesit nga ULiege dhe KU Leuven, sipas një raporti në gazetën Le Soir.
Aktualisht, rreth 100 raste të këtij varianti janë raportuar dhe nevojiten më tepër të dhëna për të zbuluar efektet e virusit. Por përhapja e këtij varianti të ri është shqetësues në Belgjikë, veçanërisht në Bruksel.
Ky variant është shqetësues sepse ka “mutacion që nuk ishte vënë re kurrë më parë”.
