Policia ka ardhur me njoftim zyrtar për kapjen e një prej autorëve të Shkëlzen Kastratit, Albert Zaja. Ky i fundit është arrestuar në fshatin Larushk të Krujës.
37-vjeçari porsa ka parë se është rrethuar nga Policia ka tentuar të fshehë në baltë një armë zjarri pistoletë dhe ka tentuar të largohet , por është kapur dhe prangosur nga Policia. Operacioni vijon për kapjen e autorëve të tjerë të kësaj ngjarje, të cilët janë identifikuar si: lmir Tufa, Silvio Cara deh Elson Xhecuka.
Gjykata e Rrethit Gjyqësor Fier, mbi bazën e provave të grumbulluara nga strukturat hetimore të DVP Fier në koordinim me Departamentin e Policisë Kriminale ka vendosur në mungesë për këtë shtetas masën e sigurisë “Arrest në burg”, për veprën penale “Vrasja me paramendim” kryer në bashkëpunim.
