Dita e sotme ka dhuruar spektakël në Kategorinë e Parë. Në grupin A, Burreli ruan vendin e parë, pasi Dinamo ka humbur në transfertë me Besëlidhjen me shifrat 4-3.
Kryeqytetasit hodhën poshtë gjithçka bënë në fushë, pasi ishin në epërsi të dyfishtë. Diogo Maranhao kaloi në avantazh “Blutë” por në fund të pjesës së parë kapiteni i lezhjanëve, Klejdi Dibra, vendosi baraspeshën. Në të dytën Boçi dhe Djidjiëa i çuan shifrat në 1-3 dhe u mendua se gjithçka ishte mbyllur.
Lezhjanët ngushtuan rezultatin me Hoxhën, i cili shënoi me penallti, kurse më pas Përgjoni barazoi. Në minutat shtesë Danaj shënoi golin që i dha tre pikët Besëlidhjes, skuadër që kërkon të mos rrezikojë rënien në Kategorinë e Dytë.
Vora vazhdon të marrë rezultate pozitive, teksa këtë herë ka mposhtur Veleçikun me gol të shënuar nga Delilallisi. Në grupin B kishte mbetur vetëm një takim, Elbasani-Turbina, që përfundoi 0-0 dhe verdheblutë morën pikë e parë në kampion.
Kategoria e Parë, java 16
Grupi A
Besëlidhja-Dinamo 4-3
Vora-Veleçiku 1-0
Grupi B
Elbasani-Turbina 0-0
