Greqia konfirmoi sot 2 535 raste të reja infektimi me COVID-19 në 24 orët e fundit, me 11 prej tyre të identifikuara në pikat e hyrjes në vend, njoftoi Organizata Kombëtare e Shëndetit Publik (EODY).
Gjithsej, që nga fillimi i pandemisë, në vend janë regjistruar 235 611 raste COVID-19.
Gjithashtu, EODY njoftoi edhe 60 vdekje shtesë në 24 orët e fundit, numri i përgjithshëm i të cilave arriti në 7 421.
Aktualisht, janë 672 pacientë në ventilator në spitale. Mosha e tyre mesatare është 68 vjeç.
Për më tepër, 513 pacientë Covid-19 u pranuan në spital në 24 orët e fundit..
Mosha mesatare e infeksioneve të reja është 44 vjeç, ndërsa e viktimave 79 vjeç.
