Shqipëria do të luajë më datë 28 mars sfidën e dytë të Kualifikueseve të Botërorit ndaj Anglisë. Kuqezinjtë pas transfertës ndaj Andorrës do të presin në “Air Albania” Kombëtaren e “3 Luanëve” që vijnë si favorite kryesor i grupit.
FSHF-ja ka nisur nga puna prej kohësh që të rikuperojë në kohë rekord fushën e stadiumit “Air Albania” që ka qenë në gjendje të mjerueshme muajit e fundit. Federata ka siguruar edhe ndriçimin artificial në mënyrë që një pjesë e fushës që nuk preket nga dielli të mund të rikuperohet nga ndriçimi artificial.
“ShqipsStadium”, ka publikuar edhe një video nga gjendja momentale e fushës që duket se është rikuperuar plotësisht dhe do të jetë në formë optimale ndaj Anglisë më 28 mars.
