Një ngjarje e rëndë ka tronditur së fundmi opinionin publik në Serbi. Një 16-vjeçare e cila konsiderohej si talente e së ardhmes në basketbollin serb është gjetur e vetëvarur në banesën e saj.
Presidentja e klubit serb Partizani, Bojana Jankoviç ka deklaruar se është e befasuar nga lajmi i hidhur, duke shtuar se nuk kishte vërejtur ndonjë situatë problematike te e ndjera. E cilësuar si një yll në ngjitje te Partizani i Beogradit, basketbollistja serbe ishte shpesh në fokusin e mediave dhe opinionit publik atje.
Ndarja nga jeta e adoleshentes mbart shumë mister, pasi janë ende të panjohura rrethanat. Mediat vendase raportojnë se ditën e ngjarjes e ndjera i kishte kërkuar gjyshes ti gatuante petulla dhe kishte dalë të shëtiste qenin. Pak kohë më vonë ajo u gjet e vetëvarur në shtëpinë e saj në Batajnica.
Presidentja e klubit rrëfen: “Ajo ishte e ardhmja e basketbollit tonë dhe një nga talentet më të mëdha. Askush nuk ka një shpjegim pse ndodhi kjo. Fatkeqësisht, ne morëm një shuplakë në fytyrë nga realiteti”, tha Jankoviç.
