Përmes një postimi në faqen e tij zyrtare në “Twitter”, presidenti i UFC-së, Dana White, konfirmoi zyrtarisht se Khabib Nurmagomedov nuk do të duelojë më në kafaz.
“29 me 0. Ai është 100% i tërhequr nga sporti. Ishte diçka e jashtëzakonshme të të shihja ty në kafaz. Të falënderoj për gjithçka dhe shijoje çfarëdo të jetë e ardhmja jote miku im”.
Ka qenw ky komenti i numri 1 tw arteve marciale mikse Dana White, që konfirmon mbylljen e karrierës së rusit Khabib Nurmagomedov, kampion bote në peshën e lehtë. Një karrierë që mbyllet me rekordin e 29 fitoreve dhe 0 humbje.
Khabib nuk duelon që prej eventit UFC-254, zhvilluar në tetorin e vitit të kaluar, ku mposhti Justin Gaethje. Pas fitores, rusi deklaroi tërheqjen e tij nga kafazi, por UFC dhe Dana White shpresuan që ta rikthenin në kafaz edhe për një duel të fundit, por pa sukses.
https://twitter.com/danawhite/status/1372754396673544193?ref_src=twsrc%5Etfw%7Ctwcamp%5Etweetembed%7Ctwterm%5E1372754396673544193%7Ctwgr%5E%7Ctwcon%5Es1_&ref_url=https%3A%2F%2Ftelesport.al%2Fufc-zyrtarizon-terheqjen-e-khabib-nurmagomedov-ja-reagimi-i-dana-white%2F
