Gjykata e Tiranës dha masën e dënimit sot për Gazmir Daci, i akuzuari për vrasje në rrethana cilësuese të vëllezërve Kolaveri. Ai u dënua me 35 -vite burg.
Teksa me katër vite burg u dënua edhe babai i tij, Xhelal Daci për akuzën e armëmbajtjes pa leje.
Sipas Prokurorisë, shkaku i krimit dyshohet të ishin konfliktet e nisura në Francë për trafikun e emigrantëve drejt Britanisë së Madhe. Ngjarja ndodhi në muajin Nëntor të 2015 ¬ës në një lokal. 27¬vjeçari i shpëtoi policisë për disa ditë, por u zbulua në një hotel në dalje të kryeqytetit.
NGJARJA VIDEO
Vrasja në Bathore, autori u ndihmua nga i ati. Fshehu armën e krimit
Në mbrëmjen e datës 04.11.2015, rreth orës 18.00, i pandehuri Gazmir Daci ka qenë duke udhëtuar me mjetin e tij privat të markës “BMË X5”, në rrugën “Demokracia” të qytetit të Kamzës, kur ka hasur në rrugë edhe mjetin autoveturë të markës “BMË X5”, që drejtohej nga shtetasi Saimir Kolaveri. Për shkak të konfikteve të vjetra të sipërpërmendurit kanë ndaluar mjetet pranë njëri¬tjetrit dhe i pandehuri Gazmir Daci ka zbritur prej tij dhe me një armë të tipit pistoletë në dore, ka shkuar në drejtim të mjetit, ku ndodhej shtetasi Saimir Kolaveri. Në momentin e perballjes fizike jane konfliktuar me njëri tjetrin me fjalë dhe në prag të përfundimit të konfliktit, i pandehuri e ka kanosur për vrasje shtetasin Saimir Kolaveri.
Konflikti nuk është nxitur më tej nga shtetasi Saimir Kolaveri, pasi ai është larguar me mjetin e tij në drejtim të banesës së tij. Pas largimit të shtetasit Saimir Kolaveri, i pandehuri Gazmir Daci ka komunikuar në telefon me shtetasin Valmir Kolaveri, i cili është edhe vëllai i shtetasit Saimir Kolaveri. Biseda mes tyre ka qenë e tensionuar dhe e shoqëruar edhe më fjalë kërcënuese e fyese. Në përfundim të kësaj bisede i pandehuri Gazmir Daci ka shkuar me mjetin e tij në drejtim të një qëndre tregtare në Kamëz ku mendonte se ndodheshin dy vëllezërit Valmir e Robert Kolaveri. Ai i ka gjetur dhe është përfshirë në një konflikt të ashpër verbal me ta.
VRASJA
Në vazhdim e siper të konfliktit verbal, i pandehuri ka nxjerrë armën e tipit pistoletë, që kishte me vete dhe ka qëlluar me të në drejtim të shtetasit Robert Kolevari. Kur ky i fundit është rrëzuar në tokë, vëllai i tij Valmiri ka marrë një send të fortë në tokë, për t`u mbrojtur nga sulmi i armatosur i te pandehurit, por edhe ai është qëlluar në trup me armë nga i pandehuri dhe është rrëzuar në toke, pa mundur të hedhë sendin e forte në drejtim të pandehurit. Mbas këtyre veprimeve, i pandehuri Gazmir Daci dhe babai i tij, i pandehuri Xhelal Daci, i cili është ndodhur në vendin e ngjarjes, që në momentin e përplasjes së vëllezërve Robert e Valmir Kolaveri me Gazmirin, janë larguar me mjetin që drejtohej nga i pandehuri.
BABAI
Sipas prokurorisë, babai i Dacit, i pandehuri Xhelal Daci ka konsumuar vetëm veprën penale të “mbajtjes pa leje të armëve luftarake”. Nga hetimi ka rezultuar se pasi është larguar nga vendi i ngjarjes, Xhelal Daci është ndarë nga i biri dhe ka shkuar në banesën e tij, ka marrë një armë të tipit pistoletë, për ta patur me vete, për tu mbrojtur nga çdo veprim hakmarrës i pjestarëve të familjes Kolavari.
