Modelja e famshme, Emily Ratajkowski, është bërë nënë për herë të parë. Në profilin e saj në “Instagram” nuk mungojnë foto me fëmijën e saj, ku tregon se sa e lumtur është.
Së fundmi Emily ka ndarë me ndjekësit në “Instagram” disa fotografi të shkrepura gjatë dhe pas procesit të lindjes. Siç vihet re nga pamjet, para ardhjes në jetë të vogëlushit dallohet dhimbja në fytyrën e saj dhe pasi ka marrë atë në krahë, Emily duket shumë e qetë dhe e lumtur.
“Parajsë! Ajo që nuk të tregojnë në jetë është se lindja është droga më e madhe dhe diçka e veçantë si asgjë tjetër. Këto fotografi kapin kaq bukur dhimbjen dhe gëzimin!”, ka shkruar një ndjekëse në këtë foto të veçantë.
