Demokrat Medinaj, 29-vjeçari i cili dje qëlloi gruan me thikë duke e lënë të vdekur, është gjetur i vdekur, konfirmoi këtë të Enjte policia.
“Sot rreth orës 10:20, në vendin e quajtur ‘Vija e ngjalës’, është gjetur pa shënja jete 29 vjeçari, banues në lagjen “Sheq i madh”, Fier, i cili ishte në kërkim nga Policia pasi pasditën e djeshme ka vrarë me mjet prerësn(thikë), bashkëshorten e tij“, njoftoi policia.
Nga kqyrja paraprake e kufomës nuk janë konstatuar shënja dhune.
Trupi i viktimës është transportuar në morgun e spitalit për t’iu nënshtruar një ekspertize mjeko ligjore më të specializuar, ndërsa grupi hetimor po punon për zbardhjen e plotë të rrethanave të ngjarjes.
Dyshimet paraprake janë se i riu i ka dhënë fund jetës, por ende nuk është e qartë si ka ndodhur ngjarja.
Vendi ku u gjet trupi i pajetë ndodhet jo larg banesës së ciftit ku ndodhi vrasja mbrëmjen e djeshme.
Lexo edhe:
U vra me thikë nga burri, familjarët e viktimës: Ishte në muajin e 6 të shtatzënisë
